Partia Demokratike pritet që të ankimojë në Kolegjin Zgjedhor vendimin e Komisionit Rregullator për shpalljen e rezultatit përfundimtar të zgjedhjeve parlamentare të 11 majit.
Mësohet se deri në vendimin e gjykatës në lidhje me këtë ankimim, dekretimi i zgjedhjeve nga Presidenti Bajram Begaj nuk mund të bëhet.
Sipas rregullave të Kodit Zgjedhor, gjykata ka 10 ditë afat për tu shprehur në lidhje me ankimimin e Partisë Demokratike. Ndërkohë që sipas PS-së mbledhja e Parlamentit pritet që të mbahet në datën 12 shtator, ku dhe do të betohen ligjvënësit.
Komisioni Rregullator ka certifikuar me 3 vota pro dhe 2 kundër rezultatin e zgjedhjeve parlamentare të 11 majit. Nga zgjedhjet e 11 majit Partia Socialiste siguroi 83 mandate, ndërsa Partia Demokratike mori vetëm 50 mandate. Nga zgjedhjet arritën të siguronte tre vende në Kuvend edhe Partia Socialdemokrate. Ndërkohë që Partia “Mundësia” e Agron Shehajt mori dy ulëse në Parlament, “Nisma Shqipëria Bëhet” e Adriatiak Lapajt 1 mandat dhe “Lëvizja Bashkë” e Arlind Qorit 1 mandat./OraNews
