Joe Biden do të shpallë të martën një program të ri emigracioni që do të hapë rrugën e shtetësisë për qindra mijëra emigrantë që ndodhen në vend ilegalisht, por që janë të martuar me shtetas amerikanë. Wall Street Journal raporton lajmin pasi foli me parlamentarë dhe burime të tjera të njohura me projektin. Programi do të ofrojë përfitime të ndryshme për emigrantët që kanë jetuar në Shtetet e Bashkuara për të paktën një dekadë, si lejet e punës, mbrojtja nga dëbimi dhe mundësia e aplikimit për një “karton jeshil”, pra një leje qëndrimi të përhershme.
