Kryebashkiaku i Minot, një qytet me 45 mijë banorë në Dakotën e Veriut, SHBA, dha dorëheqjen disa muaj pas një skandali. Në janar, disa minuta pas telefonatës me prokuroren e përgjithshme të qytetit lidhur me vetëvrasjen e një polici, Tom Ross dërgon në telefonin e Stefanie Stalheim videon e tij intime.
Duke kuptuar gabimin, ai e telefonon dhe i kërkon që ta fshijë menjëherë, pa e parë. Një punonjës i burimeve njerëzore që u përpoq të ndihmonte në fshirjen e videos aksidentalisht e luajti atë – dhe përfundoi duke e parë. Kjo do të thotë se shumë njerëz në qeverisjen e qytetit tani u përfshinë në diçka që nuk pranuan kurrë, nuk e prisnin kurrë dhe nuk mund ta zhbënin.
Ndaj nisi një hetim që doli në përfundimin se vërtet video ishte dërguar gabimisht, por kryebashkiaku kishte përdorur telefonin privat për çështje pune, duke u angazhuar edhe në veprimtari të rrezikshme.
Ross po përdorte një pajisje personale për punët e qytetit. Ai po përziente bisedat për çështjet e qytetit me komunikimet private me një partnere – dhe në një farë mënyre, ato botë u përplasën.
Pavarësisht nëse ai donte apo jo që kjo të ndodhte, ka një arsye pse ne presim më shumë nga zyrtarët publikë. Besimi, profesionalizmi, kufijtë – këto janë pjesë e punës. Dhe kur dikush i turbullon ato linja, zakonisht ka një çmim për të paguar.
Hetuesi zbuloi se sjellja e Ross “shkaktoi drejtpërdrejt paaftësinë e Stalheim për të punuar në një mjedis pa ngacmime seksuale dhe krijoi një mjedis pune fyes për të”.
Ross dha dorëheqjen pas shpjegimit të tij se kishte kaluar nga Samsung në iPhone dhe nuk dinte ta përdorte mirë. Ndërsa, video duhej t’i shkonte të dashurës, që i fillonte emri me “C”, po ashtu si “City Attorney”, siç e kishte të ruajtur ai në telefon prokuroren.
Ligjërisht edhe pse nuk ishte e destinuar për prokuroren video e masturbimit u konsiderua një ngacmim seksual në vendin e punës, pasi Ross ishte eprori i saj.
