Në raportin vjetor për kuvendin, SPAK njofton se ka pasur një rritje të aplikimit të metodave të hetimit pro aktiv, në rastin e përgjimeve telefonike dhe gjithashtu, edhe aplikimi i metodave të posaçme të hetimit si, vëzhgime, kontrolle, simulime, sekuestrimi i provave materiale, letër porosi, agjentë të infiltruar, etj.
Gjatë vitit 2024, Prokuroria e Posaçme ka përdorur metodën e përgjimit për 163 procedime penale ku janë interceptuar 3096 pajisje fundore (pajisja/numri telefonik i subjektit ne përgjim).
Krahasuar me vitin 2023, numri i pajisjeve fundore të interceptuara është 7,1% më i ulët (3335 pajisje fundore të interceptuara gjatë vitit 2023).
Bërthama Komanduese Elektronike, ka ekzekutuar në interes të çështjeve penale nën hetim nga Prokuroria e Posaçme:
301 Autorizime të Prokurorit për lejim përgjimi;
2046 Vendime (lejimi, vleftësimi dhe zgjatjeje) të Gjykatës së Posaçme të Shkallës së Parë për Korrupsionin dhe Krimin e Organizuar, nga të cilat:
➢ 323 Vendime Lejim Përgjimi
➢ 274 Vendime Vleftësimi
➢ 1449 Vendime Zgjatjeje
Krahasuar me vitet e mëparshme, referuar vendimeve për zgjatje të gjykatës, kemi një rritje të ngarkesës së punës me 22.6%.
Gjatë vitit 2024, Sektori i Ekspertizës ka mundësuar dhe ofrimin e shërbimit të ekspertizës në fushën ekonomiko-financiare, nëpërmjet Ekspertit të kësaj fushe duke realizuar 2 Akte Ekspertimi, nga të cilat një në fushën e procedimit penal dhe një në fushën e procedimit pasuror me objekt analize ekonomiko-financiare për individët, personat e lidhur dhe subjektet tregtare pjesë e hetimit. Në përmbushje të detyrave funksionale, eksperti i fushës ka dhënë asistencën në fushën financiare në ndihmë të identifikimit të pastrimit i të ardhurave nga korrupsioni, i krimeve në fushën e tatimeve, apo vepra të tjera penale të kryera përmes përdorimit herë pas here dhe të palëve të treta (individë dhe persona juridik), që shërbejnë për të kamufluar mekanizmin dhe integrimin e mëvonshëm në instrumente financiare, në pasuri të paluajtshme brenda vendit, apo në biznese brenda dhe jashtë vendit.
Për periudhën vijuese mbetet prioritet përgatitja e udhëzuesit praktik dhe manualit mbi procedurat dhe kërkesat standarde lidhur me ekspertimin ekonomiko -financiar.
Shërbimet në fushën elektronike-dixhitale nga sektori i ekspertizës
Gjatë vitit 2024 në Sektorin e Ekspertizës kanë ardhur për ekspertim 400 vendime ekspertimi për 841 prova digjitale dhe konkretisht për 553 telefona celularë dhe tabletë, 110 kompjutera, 16 DVR dhe 162 prova të tjera digjitale (hard disqe, USB, karta memorie, CD/DVD, etj.), kjo krahasuar me vitet si me poshtë është në rritje dhe konkretisht:
Për vitin 2023 në Sektorin e Ekspertizës kanë ardhur për ekspertim 345 vendime ekspertimi për 623 prova në total dhe konkretisht 407 telefona celularë, 76 kompjutera, 19 DVR dhe 121 prova të tjera digjitale (USB, karta memorie, CD/DVD, etj.).
Për vitin 2022 kanë ardhur për ekspertim 240 vendime ekspertimi për 500 prova digjitale dhe konkretisht 328 telefona celularë, 59 kompjutera, 11 DVR dhe 102 prova të tjera digjitale (USB, karta memorie, CD/DVD, etj.).
Akte ekspertimi të realizuara:
Gjatë vitit 2024 nga ekspertët e këtij sektori janë realizuar 293 akte ekspertimi, ku janë ekzaminuar 520 prova digjitale në total dhe konkretisht 344 telefona celularë, 58 kompjutera, 2 DVR dhe 116 prova të tjera digjitale (si hard disqe, USB, karta memorie, CD/DVD, etj.).
Gjatë vitit 2023 nga ekspertët e këtij sektori janë realizuar 261 akte ekspertimi, ku janë ekzaminuar 453 prova digjitale në total dhe konkretisht 321 telefona celularë, 37 kompjutera, 20 DVR dhe 75 prova të tjera digjitale (si hard disqe, USB, regjistrues, tableta, karta memorie, CD/DVD, etj.).
Për vitin 2022 nga ekspertët e këtij sektori janë realizuar 256 akte ekspertimi, ku janë ekzaminuar gjithsej 423 prova digjitale dhe konkretisht 313 telefona celularë, 40 kompjutera, 7 DVR dhe 63 prova të tjera digjitale (si hard disqe, USB, regjistrues, tableta, karta memorie, CD/DVD, etj.).
Sa i përket vitit 2021, në këtë vit Sektori i Ekspertizës ka filluar aktivitetin e tij, ku vendimet e para të ekspertimit kanë filluar të pranohen në muajin Shtator.
