Ministria e Shëndetësisë në Itali ka njoftuar tërheqjen urgjente nga tregu të disa llojeve mocarele për picë të prodhuara nga kompania Latteria Soligo sac., me qendër në Trevizo, për shkak të një rreziku kimik.
Në një pjesë të qumështit të përdorur për prodhimin e këtyre produkteve janë gjetur ndotës, duke e bërë atë “jo të përshtatshëm për përdorim sipas normativave”. Për këtë arsye, kompania ka nisur tërheqjen parandaluese të produkteve nga tregu.
📌 Produktet e prekura (lot nr. 25080600 – afati 31 gusht):
- Mocarela për picë Cubettata – 2 kg
- Mocarela për picë Julienne – 1500 g
- Mocarela për picë Filone Cube – 1 kg
- Mocarela për picë Filone – 1 kg
Këshilla për qytetarët:
Konsumatorëve u kërkohet të mos i konsumojnë produktet dhe t’i kthejnë ato në dyqanin ku janë blerë, edhe pa kupon tatimor, për të marrë rimbursimin.
Autoritetet dhe kompania janë ende në pritje të rezultateve përfundimtare mbi natyrën e ndotjes së konstatuar.
