Situata në aksin rrugor Librazhd–Pogradec, në vendin e quajtur Arrat e Gurrës, është përkeqësuar ndjeshëm gjatë orëve të fundit për shkak të rrëshqitjes së dheut.
Pas vlerësimit në terren, Autoriteti Rrugor Shqiptar, në koordinim me Policia e Shtetit, ka vendosur ndalimin e qarkullimit për mjetet e tonazhit të rëndë dhe autobusët në këtë segment, deri në një njoftim të dytë.
Vendimi është marrë për arsye sigurie, pasi terreni paraqitet i paqëndrueshëm dhe ekziston rreziku i agravimit të mëtejshëm të situatës.
Autoritetet u bëjnë thirrje drejtuesve të mjeteve të tonazhit të rëndë dhe operatorëve të transportit të shmangin këtë aks dhe të përdorin rrugë alternative, deri në stabilizimin e plotë të zonës.
Sipas ARRSH, çdo masë e marrë ka si qëllim garantimin e sigurisë së jetës dhe parandalimin e incidenteve të mundshme.
