Marrëveshja dypalëshe mes Shqipërisë dhe Italisë për strehimin e emigrantëve është aktivizuar përsëri, pas një ndërprerje mbi dy mujore.
Për dy ditë (25 – 24 janar) bëjnë të ditur burime nga ANSA në bordin e anijes “Cassiopea”, patrulluesi i Marinës Ushtarake, ndodhen 11 të huaj, shkruan agjencia e lajmeve italiane.
Anija vazhdon të qëndrojë në ujërat ndërkombëtare, rreth 20 milje në jug të Lampeduzës, duke pritur tw marrw persona të tjerë përpara se të niset drejt portit të Shëngjinit
Sipas të njëjtave burime, migrantët në bord janë egjiptianë dhe bangladeshas.
Anija “Cassiopea” po përdoret për transferimin e tretë të azilkërkuesve në Shqipëri, pas dy të parëve në tetor dhe nëntor.
Protokolli është testuar. Anijet patrulluese të Gardës Bregdetare ose Guardia di Finanza përgjojnë varkat me emigrantë të drejtuar për në Itali në ujërat ndërkombëtare.
Meshkuj, të rritur, me shëndet të mirë dhe që vijnë nga vende të sigurta – transferohen në Cassiopeia, ku do të bëhet një kontroll fillestar. Mjeti patrullues do t’i çojë më pas në portin e Shëngjinit, ku është ngritur kampi ‘italian’ dhe do të kryhen procedurat e identifikimit.
Në të njëjtën ditë, azilkërkuesit do të transferohen në qendrën e afërt në Gjadër, ku do të mbahen në pritje të përfundimit të kërkesave të tyre. Ndalimi i urdhëruar nga komisariati i policisë megjithatë do të duhet të vërtetohet nga gjyqtarët e Gjykatës së Apelit.
Ka qenë Libra në dy rastet e mëparshme, në tetor dhe nëntor, kur 20 azilkërkuesit e dërguar në qendrat e Shëngjinit dhe më pas të Gjaderit u liruan më pas me vendimet e gjyqtarëve të Gjykatës së Romës që refuzuan paraburgimet. Këtë herë qeveria shpreson për një rezultat më të mirë. Tani ata që do të vendosin nuk do të jenë më magjistratët e seksionit të emigracionit, por ata të Gjykatës së Apelit, siç parashikon ligji i ri i kërkuar nga ekzekutivi dhe që ka hyrë në fuqi më 11 janar.
Sipas burimeve patrulluesi i Marinës Ushtarake italiane “Cassiopea” pritet të mbërrije mëngjesin e 27 janarit në Shëngjin./shqiptarja
