Kreu i PD-së Sali Berisha, nga Malësia e Madhe, ka ngritur shqetësimin për sigurinë ushqimore, duke u ndalur te mishi i pulës me salmonelë.
Berisha tha se edhe kryeministri Rama u sëmur nga salmonela. Sipas tij, Rama ka shkuar në spital duke thënë se e ka nga breshkat.
“Këtu, siguria ushqimore është pasiguria më e madhe. Mandarinat. Njëherë tjetër dalin të tjera. Njëherë tjetër shpërndahet salmonelë, e cila arrin gjer në Surrel. Ekzakt, po ua them ju këtu, nuk e kam thënë tjetërkund.
Sëmuret dhe ai vet, del gënjen mjekun dhe i thotë: u sëmura se kam breshka në shtëpi. U sëmur nga salmonela që erdhi me pulat. Erdhi nga deputetët e tij, erdhi nga deputetët e tij salmonela. Mishi i infektuar. Nuk ka asnjë siguri, dhe kur shkoi në spital tha: e kam se mbaj breshka, ma dha breshka salmonelën. Çfarë breshke? Fileto pule! I gënjente mjekët.
Ndaj dhe, siguria ushqimore do të jetë çështje e sigurisë kombëtare. Po si mund të hyjnë në Shqipëri insekticide kancerogjene që janë ndaluar në Europë?
Dhe ky tund pasaportën europiane. Jo, jo, thotë.
Pasaportën europiane me pesticide salmonela.”, tha Berisha.
