Kryeministri Edi Rama ka ndarë sot pamje nga aksioni i radhës për lirimin e hapësirave publike në qytetet e vendit.
Në një video të publikuar nga kreu i qeverisë, shihen momentet e shembjes së disa ndërtimeve pa leje në Durrës, në kuadër të fushatës për kthimin e hapësirave publike tek qytetarët.
“Aksioni vazhdon në Durrës. Lirimi i hapësirave publike është prioritet për qytetet tona”, – shkruan Rama krahas pamjeve.
Ky operacion është pjesë e planit kombëtar për të rikthyer trotuaret, sheshet dhe zonat e bllokuara nga ndërtime të paligjshme në përdorim të komunitetit.
