Mëngjesin e Vitit të Ri, në Little Masachaug Pond, në Rhode Island (SHBA), një qen ra në një liqen të ngrirë gjatë një shëtitjeje. Golden retrieveri, i quajtur Phoenix, u aventurua mbi akullin e hollë dhe përfundoi në ujë të akullt.
Pronari e pa ngjarjen nga bregu, por nuk mundi të ndërhynte pa rrezikuar jetën. Pak para orës 09:00, në vendngjarje mbërritën zjarrfikësit e Misquamicut, të pajisur me kostume speciale për shpëtim në akull. Ata iu afruan qenit duke u zvarritur mbi akull, ndërsa ekipe të tjera – përfshirë Watch Hill, policinë dhe ambulancën – siguruan mbështetje dhe pajisje.
Gjatë operacionit, zjarrfikësit ishin të lidhur me litarë, ndërsa akulli thyhej përreth tyre. Phoenix he u nxorr i sigurt në breg, pa pasoja për shëndetin. Edhe zjarrfikësit u kontrolluan dhe nuk patën nevojë për ndihmë mjekësore.
Ngjarja u prit me lavdërime të shumta në rrjetet sociale dhe shërbeu si një kujtesë e fortë për rreziqet e liqeneve të ngrira, veçanërisht gjatë dimrit.
