E ngarkuara me punë e Shteteve të Bashkuara, Nancy Vanhorn, ka zhvilluar sot një vizitë në Kryeministri, vetëm katër muaj pas përfundimit të zgjedhjeve dhe disa ditë para prezantimit të kabinetit të ri qeveritar.
Mësohet se diplomatja amerikane ka qëndruar në Kryeministri vetëm 20 minuta.
Vizita e Vanhorn vjen pas miratimit të projektvendimit për shpalljen e rezultatit përfundimtar të zgjedhjeve parlamentare të 11 majit nga Komisioni Rregullator në Komisionin Qendror të Zgjedhjeve, me tre vota pro dhe dy kundër. Ky akt shënoi mbylljen zyrtare të procesit zgjedhor dhe hapi rrugën për konstituimin e Kuvendit të ri, ku pritet të zhvillohet seanca e parë e konstituimit.
