Policia ka zbuluar një apartament në zonën e Plazhit në Durrës, ku ushtrohej aktiviteti i paligjshëm i prostitucionit. Banesa ishte marrë me qira nga dy shtetase kineze, 41-vjeçarja X.X. dhe 54-vjeçarja R.W.
Sipas hetimeve, një grup i strukturuar kriminal, i përbërë nga shtetas kinezë, rekrutonin vajza kineze në vendin e tyre dhe i dërgonin në Shqipëri për të ushtruar prostitucion. Ata u siguronin apartamente me qira dhe, përmes faqeve online, gjenin klientët dhe u dërgonin vendndodhjen e vajzave.
Në momentin e kontrollit, janë arrestuar dhe vënë nën hetim gjashtë shtetas shqiptarë, të cilët ishin të pranishëm në banesë. Policia ka sekuestruar sasi parash të përfituara nga prostitucioni, 3 telefona celularë, 2 pasaporta dhe sende të tjera që shërbenin për aktivitetin e paligjshëm. Hetimet vazhdojnë për të zbardhur të plotë rrethanat e ngjarjes.
