Mark Antony Samson, 23-vjeçari që rrëfeu vrasjen e ish-të dashurës së tij, Ilaria Sula, tha se nuk e kishte paramenduar krimin. Këtë e ka deklaruar gjatë marrjes në pyetje për të vërtetuar arrestimin, i cili zgjati mbi pesë orë, para gjykatësit hetues.
I dyshuari shpjegoi se shqiptarja kishte shkuar në banesën e tij për t’i kthyer disa nga rrobat e tij. Sipas tij, ajo kishte qëndruar deri vonë dhe për këtë arsye preferoi të flinte për të shmangur transportin publik.
Sipas djalit, të dy së fundmi i kishin dhënë fund një lidhjeje që kishte vazhduar prej disa muajsh me ulje-ngritje. Samson më pas pretendoi se gjithçka e kishte bërë i vetëm. Në pyetjet e gjyqtarit, ai tha se e ngarkoi trupin në makinë, pasi e mbylli në një valixhe, duke e braktisur në një luginë. 23-vjeçari pohoi gjithashtu se kishte pastruar vendin e sulmit.
Prokurorët e akuzojnë të riun për vrasje të rëndë me dashje dhe fshehje të kufomës ndrëkohë që prokuroria e Romës po punon që t’ia rëndojë akuzat në vrasje me paramendim dhe makabritet në kryerjen e saj.
