Institucioni i Presidentit të Republikës ka reaguar pas interesimit të mediave lidhur me vendimin e Gjykatës Kushtetuese, e cila ka pezulluar pjesën e dekretit presidencial që përcaktonte datën e zgjedhjeve vendore në Bashkinë e Tiranës.
Në një njoftim zyrtar, Zyra e Medias dhe Marrëdhënieve me Publikun bën me dije se Presidenti i Republikës respekton vendimin e Gjykatës Kushtetuese për pezullimin e kësaj pjese të dekretit nr. 350, datë 1 tetor 2025.
