Sot, një aksident i rëndë ndodhi në Aeroportin Ndërkombëtar të Torontos Pearson, ku një avion i linjës Delta Air Lines u përmbys gjatë uljes. Avioni, i cili kishte nisur fluturimin nga Minneapolis, u përmbys në pistën e mbuluar me borë, duke shkaktuar lëndime për të paktën tetë persona.
View this post on Instagram
Sipas autoriteteve, të gjithë pasagjerët dhe ekuipazhi janë evakuuar. Si pasojë e incidentit, tetë persona kanë pësuar lëndime. Një nga të lënduarit është në gjendje kritike dhe është transportuar me urgjencë në një qendër traumatologjike. Ndërkohë, një fëmijë është dërguar në një spital në qendër të Torontos.
Autoritetet e aeroportit kanë konfirmuar se të gjitha fluturimet hyrëse dhe dalëse janë anuluar për momentin. Ekipet e emergjencës janë në vendngjarje dhe po hetojnë shkaqet e aksidentit.
Ky aksident vjen pas disa aksidenteve të tjera të fundit në Amerikën e Veriut, duke përfshirë një përplasje të një helikopteri ushtarak me një avion pasagjerësh në Uashington dhe një aksident të një avioni transporti mjekësor në Filadelfia./AIA.AL
