Seanca plenare për prezantimin e buxhetit u shoqërua me tensione dhe skena simbolike nga opozita. Në momentin kur kryeministri Edi Rama u ngrit të prezantonte buxhetin e vitit të ardhshëm, deputetët e opozitës u ngritën në këmbë dhe iu kthyen me kurriz podiumit, në shenjë proteste ndaj qeverisë.
Kryeministri, i cili e vazhdoi fjalën mes kësaj performance të opozitës, reagoi menjëherë me ironi:
“Më mirë shpina sesa fytyra juaj. Ma lehtësuat fjalimin.”
View this post on Instagram
Gjest i opozitës vjen në vijim të akuzave për mungesë debati dhe transparence nga ana e mazhorancës, ndërsa Rama e interpretoi si shenjë dobësie politike dhe mungese argumentesh.
Pavarësisht protestës, kryeministri vijoi prezantimin e buxhetit, të cilin e cilësoi si “më të madhin në historinë e vendit”, ndërsa deputetët e opozitës qëndruan të kthyer me shpinë gjatë një pjese të fjalimit.
Ngjarja pason përplasjet e ditëve të fundit mes palëve në Kuvend, që kanë përshkallëzuar konfliktin politik në prag të diskutimeve për paketën financiare.
