Barack Obama u ka thënë miqve se Joe Biden duhet të konsiderojë seriozisht qëndrueshmërinë e kandidaturës për presidencialet amerikane.
Obama pretendohet se deklaroi që rruga e 81-vjeçarit drejt fitores është zvogëluar shumë, thanë për Washington Post shumë njerëz të informuar pranë ish-presidentit amerikan.
Në bisedat telefonike me demokratët e shqetësuar, Obama thuhet se ka thënë se është i shqetësuar pasi sondazhet po thonë se do të humb Biden dhe se donatorët po e braktisin presidentin.
Obama kundërshtoi idenë se vetëm ai mund të ndikojë tek presidenti aktual amerikan ndërsa tha se shqetësimi i tij është të mbrojë trashëgiminë e ish-zëvendëspresidentit të tij.
Ai u ka thënë aleatëve se ka një rol këshillues dhe dëgjues tek Bideni, raporton skynews.
Disa nga ndihmësit e presidentit kanë fajësuar Obamën për braktisjen e partisë pas kandidaturës së Bidenit.
Zgjedhjet presidenciale amerikane do të zhvillohen më 5 nëntor gjersa Biden do të përballet me republikanin Donald Trump. /Telegrafi/
