Kreu i Partisë Socialdemokrate, Tom Doshi, i është përgjigjur akuzave të ish-kryeministrit Sali Berisha, i cili pretendoi se ai është arratisur nga Shqipëria.
Përmes një postimi në rrjetet sociale, ku ndan edhe një foto me miqtë e tij, Doshi thekson se nuk ka lënë vendin dhe nuk jeton mes paranojash. Ai shton se nuk ka vjedhur Shqipërinë, në kundërshtim me akuzat e Berishës:
“O Sali mashtruesi! Për 20 vjet ke shpifur kundër meje. Nuk jam larguar, jam këtu, në mes të Tiranës, duke pirë kafen me miq e jo mes paranojash. Nuk frikësohem se nuk e kam vjedhur popullin si ti,” shkruan Doshi.
Nga ana tjetër, Berisha ka reaguar ndaj lajmeve për një urdhër arresti ndaj Doshit, duke e quajtur SPAK-un “qendra kombëtare e shpifjeve dhe dezinformimit”. Ai tha se nuk ekziston asnjë mandat arresti ndaj Doshit dhe se lajmi për arratisjen e tij është i rremë:
“Nga ky moment e tutje ajo që dje njihej si Skapi i partisë do quhet qendra kombëtare e shpifjes dhe dezinformimit. Toma nuk është arratisur, as ka mandat arresti, por kjo është një gënjeshtër e tmerrshme,” shkruan Berisha.
