AI po hyn gjithnjë e më shumë në fushën e terapisë. Një studim i fundit nga Universiteti i Ohio zbulon se përgjigjet e ChatGPT për çështjet e shëndetit mendor po vlerësohen më pozitivisht se ato të terapistëve tradicionalë. Deri më tani, njerëzit kanë kërkuar vetëm ndihmën e profesionistëve për të shprehur boshllëqet emocionale dhe për të gjetur rikuperim, por duket se skena po ndryshon!
Sipas të dhënave, “pacientët virtualë” e vlerësojnë ChatGPT për dy arsye kryesore: përgjigjet e tij janë të gjera dhe ofrojnë një kontekst të pasur për situatat e tyre. Megjithëse kjo metodë ngre disa shqetësime për trajtimin e çështjeve të shëndetit mendor, përdoruesit theksojnë se informacionet nga Inteligjenca Artificiale shpesh duken më empatike dhe të sakta.
Në një analizë mbi 800 persona, shumica shprehu se, megjithëse hasin në disa gabime gramatikore, është shumë e vështirë të dallosh një përgjigje të ofruar nga një makineri nga ajo e një profesionisti.
Një tjetër vëzhgim i rëndësishëm është se AI përdor më shumë mbiemra se emra – një zgjedhje që kontribuon në dhënien e kontekstit dhe hapësirës imagjinative, në kontrast me emrat që zakonisht përdoren për t’iu referuar entiteteve.
Këto rezultate paralajmërojnë se ChatGPT ka potencialin jo vetëm të ndërhyjë në proceset psikoterapeutike, por edhe të sjellë metoda inovative për përmirësimin e tyre.
Megjithatë, mbetet ende pyetja se cila formë e këtij përfshirje do të jetë më efektive!
