KINË – Një shpërthim i ri misterioz i virusit ka mbushur spitalet në Kinë, duke rikthyer maska përsëri.
Videot në mediat sociale tregojnë mjedise të mbipopulluara mjekësore me staf mjekësor që lufton për të përballuar fluksin e pacientëve.
Shumë vetë “shikojnë” ngjashmëri me ditët e para të errëta të pandemisë Covid pesë vjet më parë në qytetin e Wuhan.
Sipas raporteve të mediave lokale, shkaku është një virus pak i njohur i quajtur metapneumovirus (HMPV), ai zakonisht shkakton një sëmundje, të ngjashme me të ftohtin, me ethe, kollë, rrjedhje hundësh dhe frymëmarrje.
Në raste të rënda, HMPV mund të çojë në bronkit ose pneumoni, veçanërisht te fëmijët.
Virusi përhapet përmes frymëmarrjes dhe kontaktit të ngushtë fizik, duke e bërë atë shumë ngjitës në mjedise të mbushura me njerëz.
Organizata Botërore e Shëndetësisë theksoi rritjen e rasteve në një buletin të nëntorit, duke vënë në dukje se infeksionet e frymëmarrjes janë rritur që nga tetori.
Si përgjigje, Agjencia Kombëtare e Kinës për Kontrollin dhe Parandalimin e Sëmundjeve nisi një sistem pilot të mbikëqyrjes që synon identifikimin dhe menaxhimin e pneumonisë me origjinë të panjohur. Kjo nismë është krijuar për të përmirësuar monitorimin dhe reagimin ndaj rritjes së infeksioneve respiratore të lidhura me dimrin.
Megjithëse mediat sociale janë të mbushura me pretendime për spitale të mbipopulluara, asnjë raport zyrtar nuk sugjeron se situata është kritike.
Megjithatë, NCDPA njohu një rritje të dukshme të infeksioneve të frymëmarrjes midis 16 dhe 22 dhjetor.
Epidemia e vazhdueshme e pneumonisë është një shqetësim i veçantë për grupet vulnerabël, duke përfshirë fëmijët e vegjël dhe të moshuarit./shqiptarja
