Tiranë: Policia dhe Siguria e TEG dorëzojnë çantën me 27,000 euro pronarit të saj
Një veprim shembullor i bashkëpunimit mes Policisë dhe stafit të sigurisë së Qendrës Tregtare TEG përfundoi me sukses, duke rikthyer një shumë të madhe parash pronarit të ligjshëm.
Mbrëmjen e kaluar, rreth orës 23:00, stafi i sigurisë së TEG dorëzoi te patrulla e Policisë një çantë shpine të gjetur në ambientet e qendrës tregtare. Pas verifikimeve të kryera nga autoritetet, u identifikua pronari i çantës, e cila përmbante 27,000 euro.
Policia ia dorëzoi pronarit pasurinë e humbur, i cili shprehu mirënjohjen e tij për ndihmën dhe korrektësinë e treguar. Ky rast tregon një tjetër shembull të përkushtimit të Policisë dhe institucioneve të tjera për të garantuar sigurinë dhe mbrojtjen e qytetarëve.
