Ka nisur puna për ndërtimin e Kampusit të Kolegjit të Europës në Tiranë dhe kryeministri Edi Rama ka inspektuar punimet së bashku me ministrin e Arsimit dhe Sportit, Ogerta Manastirliu dhe Rektoren, Federica Mogherini.
Rama tha se kampusi do të integrohet në Qytetin Studenti dhe do të shërbejë si një hapësirë me mjedise optimale për studentët.
“Kampusi do të integrohet në Qytetin Studenti dhe do të shërbejë si një hapësirë e re, me një arkitekturë moderne dhe mjedise optimale jo vetëm për studentët nga gjithë Europa që do të jetojnë dhe mësojnë aty, por edhe për komunitetin e madh studentor që do të ketë një stacion të ri aktivitetesh akademike, kulturore e sociale”, tha Rama.
