Kryeministri Edi Rama ka njoftuar në rrjetet sociale mbërritjen në Shqipëri të Presidentit të Emirateve të Bashkuara Arabe, Sheikh Mohammed Bin Zayed Al Nahyan.
Në një postim të shkurtër, Rama e cilëson Presidentin si “mik të vjetër e të shtrenjtë të popullit shqiptar” dhe shpreh kënaqësinë për këtë vizitë zyrtare, e cila u zhvillua mbrëmjen e së mërkurës.
“Mirëmëngjes dhe me mbërritjen mbrëmë në Shqipëri të një miku të vjetër e të shtrenjtë të popullit shqiptar, këtej e andej bjeshkëve, Lartësisë së Tij, Presidentit të Emirateve të Bashkuara, Sheikh Mohammed Bin Zayed Al Nayan, ju uroj një ditë të mbarë”, shkruan Kryeministri.
Vizita e presidentit të Emirateve pritet të shoqërohet me takime të nivelit të lartë dhe nënshkrime marrëveshjesh bashkëpunimi në fusha strategjike si investimet, energjia dhe infrastruktura.
