Larry, macja më e famshme në Mbretërinë e Bashkuar, ka shënuar 15 vite si “Chief Mouser” në numrin 10 të Downing Street, duke u kthyer në një simbol të pandashëm të politikës britanike.
I adoptuar nga një qendër shpëtimi për kafshët në vitin 2011, maçoku ngjyrë gri me të bardhë u vendos në rezidencën e kryeministrit për të kontrolluar problemin me brejtësit. Që prej asaj kohe, Larry ka “mbijetuar” pesë kryeministra dhe vazhdon të jetë një figurë e dashur për publikun dhe median.
Banori me katër putra i korridoreve të pushtetit shpesh ka tërhequr vëmendjen edhe gjatë vizitave të liderëve botërorë, duke u bërë protagonist i fotove dhe momenteve kurioze përpara Downing Street.
Aktualisht, shoku i tij i gjashtë i shtëpisë është kryeministri laburist Keir Starmer, ndërsa Larry vijon “detyrën” si rojtar i numrit 10, duke dëshmuar se disa institucione në Britani mbeten më të qëndrueshme se vetë politika.
