Në një veprim të shpejtë dhe vendimtar, shërbimet e Patrullës së Përgjithshme të Komisariatit të Policisë Vlorë kanë arritur të parandalojnë një vjedhje në një subjekt tregtar në lagjen “24 Maji”. Dy shtetas me precedent kriminal për vjedhje, E. H., 36 vjeç, dhe E. K., 31 vjeç, të dy banues në Vlorë, janë kapur në flagrancë dhe arrestuar.
Në vijim të hetimeve, janë zbardhur dhe dokumentuar edhe një rast tjetër i vjedhjes dhe një tentativë për vjedhje në qytet, të kryera nga këta individë. Konkretisht:
– Më datë 25.01.2025, kanë vjedhur produkte të ndryshme në një lokal në lagjen “10 Korriku”;
– Më datë 02.01.2025, kanë tentuar të vjedhin materiale elektrike në një objekt në ndërtim në lagjen “1 Maji”.
View this post on Instagram
Policia ka sekuestruar disa sende që dyshohet se janë përdorur nga dy autorët për kryerjen e vjedhjeve dhe vazhdon punën për zbardhjen dhe dokumentimin e rasteve të tjera të vjedhjeve të mundshme. Materialet procedurale i janë dorëzuar Prokurorisë për veprime të mëtejshme.
Kjo ndërhyrje tregon vendosmërinë dhe profesionalizmin e shërbimeve të Policisë së Vlorës në garantimin e sigurisë në territor dhe luftën kundër krimit.
