Çmimi i naftës ka arritur në 214 lekë për litër, duke shënuar një rritje prej 12 lekësh brenda 24 orëve, vetëm një ditë pas paralajmërimeve të qeverisë ndaj tregut të hidrokarbureve. Ministri i Infrastrukturës dhe Energjisë, Enea Karakaçi, deklaroi se situata po monitorohet në mënyrë dinamike dhe se Bordi i Transparencës, i cili vendos çmimet tavan, mund të ngrihet shumë shpejt me një vendim të Këshillit të Ministrave. Ai theksoi se modeli i ndjekur nga Shqipëria për taksën e qarkullimit është i bazuar te karburanti, duke bërë që të paguajnë më shumë ata që përdorin më shumë automjetin, ndërsa shtoi se furnizimi nuk është në rrezik pasi mbi 90% e naftës vjen nga rrugë të tjera detare. Sipas ministrit, qeveria është në komunikim me aktorët e tregut dhe po vlerëson zhvillimet përpara se të marrë një vendim përfundimtar.
