Federata Shqiptare e Futbollit ka reaguar zyrtarisht lidhur me mungesën e mesfushorit të Kombëtares, Ylber Ramadani.
Në njoftimin e saj, FSHF sqaron se lojtari është jashtë grumbullimit për arsye shëndetësore dhe stafi mjekësor po ndjek nga afër gjendjen e tij.
“Ramadani ka pësuar një problem fizik që nuk i lejon të jetë i gatshëm për ndeshjen e radhës. Ai është nën monitorim të vazhdueshëm dhe së shpejti do të ketë një vlerësim më të plotë për rikthimin e tij,” thuhet në komunikatën e Federatës.
Mungesa e mesfushorit është një goditje për kuqezinjtë, pasi ai konsiderohet një element kyç në mesfushë dhe ka dhënë kontribut të madh në ndeshjet e fundit kualifikuese.
FSHF ka garantuar se ekipi do të vijojë përgatitjet normalisht dhe se stafi teknik do të bëjë lëvizjet e duhura për të mbuluar boshllëkun e lënë nga Ramadani.
