Ministri i Shtetit për marrëdhëniet me Parlamentin priti lojtarin e kombëtares, Ylber Ramadani. Futbollisti i serisë A në Itali ku aktivizohet me skuadrën e Leçes i dhuroi ministrit një fanelë të kombëtares me emrin e vet.
“Dhuratë më të bukur për festa nuk ka. Se tani e sqaruam dhe çështjen e këngës që ishte lajm i rremë. “Mora fjalë” do vazhdojë të këndohet në stadiumet ku luan kombëtarja kuqezi” tha ministri.
Ndërsa Balla i dha një album me foto nga ajri të Shqipërisë.
“Mendova të kesh në shtëpi në Leçe një album me fotografitë më të bukura të Shqipërisë të arra nga ajri nga një fotograf shumë profesionist si Alket Islami. Që kur t’ju vinë miq, italianë dhe futbollistë të tjerë, t’u tregosh bukuritë e Shqipërisë, sepse ju futbollistët e kombëtares nuk jen vetëm lojtarë jeni ambasadorët tanë. Në Itali do takosh o dikë që ka qenë në Shqipëri, o që ka në plan për të shkuar në Shqipëri ” i tha ministri Balla Ramadanit pasi ky i fundit tha se në Itali e pyesin shumë për vendin e tij.
Futbollisti falënderoi ministrin Balla për mikpritjen e ngrohtë dhe bashkëbisedimin miqësor.
“Mirënjohje për mbështetjen e pareshtur ndaj kombëtares kuqezi, gjithmonë prezent në stadium si një nga tifozët më të zjarrtë të Shqipërisë” tha lojtari Ylber Ramadani.
