Policia Bashkiake u ka bërë një thirrje urgjente të gjithë qytetarëve që të ndalojnë menjëherë vendosjen e bidonave, karrigeve, arkave, gomave dhe çdo objekti tjetër të përdorur për të zënë hapësira publike apo vende parkimi.
Sipas njoftimit, hapësirat publike janë të përbashkëta dhe nuk mund të rezervohen, bllokohen apo shfrytëzohen në mënyrë të paligjshme. Vendosja e objekteve të tilla krijon pengesa në qarkullimin e njerëzve dhe mjeteve, duke cenuar funksionimin normal të komunitetit.
👮♂️ Forcat e Policisë Bashkiake, në bashkëpunim me strukturat përkatëse të Bashkisë, ndodhen aktualisht në terren ku po largojnë objektet e vendosura pa leje dhe po marrin masat e nevojshme për të garantuar rendin, sigurinë dhe aksesin e lirë publik.
Institucionet u bëjnë thirrje qytetarëve që të tregojnë përgjegjësi dhe të bashkëpunojnë, në mënyrë që hapësirat e përbashkëta të jenë të rregullta, të sigurta dhe të aksesueshme për të gjithë.
