Ministri i Drejtësisë, Ulsi Manja, ka njoftuar se rreth 15,000 individë, ose 5,200 familje, do të përfitojnë kompensim financiar për shkak të procesit të legalizimeve. Sipas ministrit, qeveria ka akorduar një fond prej 30 milionë eurosh për të përmbyllur këtë pjesë të procesit, duke kompensuar pronarët e pronave të zëna nga ndërtimet informale. Këta pronarë janë kompensuar më parë në masën 70% gjatë periudhës 2010-2024, ndërsa tani do të marrin pjesën e mbetur prej 30%.
