Një javë para nisjes së fushatës elektorale ditën nesërme (e shtunë) do të vijë në Shqipëri Chris LaCivita, i cili do të drejtojë ekipin e Partisë Demokratike.
Lajmin e ka bërë të ditur, Edit Harxhi, kandidate e PD per deputete, e cila tha në emisionin Log, se LaCivita do të qëndrojë gjitha të gjithë fushatës elektorale.
Po ashtu, ajo paralajmëroi se me ardhjen e tij do të ketë surpriza dhe zhvillime të bujshme politike, që sic shprehet “do t’i ndriçojnë rrugën e fitores Partisë Demokratike”
Edit Harxhi: Zoti LaCivita vjen nesër. Do të drejtojë fushatën gjatë gjithë kohës këtu në Shqipëri. Do të qëndrojë në Tiranë. Do të jetë këtu gjatë gjithë kohës. Ai do të jetë personi që do drejtojë fushatën, do jetë në hapjen e fushatës dhe do të jetë edhe në prezantimin e programit elektoral në datën 12. Me ardhjen e tij mund të ketë edhe ndonjë surprizë, do ketë zhvillime te bujshme, interesante politike që do të ndriçojnë rrugën e fitores së PD./panorama
