Rania Murad, e cila është kujdesur për macet për më shumë se pesë vite, rrëfen historinë e saj prekëse nga Gaza. Lufta i mori më shumë se gjysmën e tyre – tetë mace humbën jetën nga uria dhe sëmundjet, ndërsa të mbijetuarat po vuajnë çdo ditë.
“Para luftës gjithçka ishte e disponueshme. U siguroja 20 kilogramë ushqim të thatë në muaj, konserva, ilaçe dhe vaksina. Pas fillimit të luftës, gjithçka u ndërpre. Fillimisht u ushqyen me konserva fasulesh e mishi, më pas edhe ato mbaruan. Prej asaj kohe u ndajmë atyre nga ushqimi ynë i pakët – edhe thjerrëza që hanim vetë. Por macet janë mishngrënëse, sistemi i tyre varet nga proteina shtazore, prandaj shëndeti i tyre u përkeqësua shumë”, tregon ajo.
View this post on Instagram
Sot, Rania i trajton macet e mbetura si anëtarë të familjes. “Çdo mace ka emrin dhe karakterin e vet. Këto shpirtra kanë vendosur besimin tek ne dhe unë nuk mund t’i lë në mëshirë të fatit. Edhe gjatë zhvendosjeve, kur iknim, ishte e pamundur t’i lëmë pas.”
Mesazhi i saj për botën është i qartë:
“Dikush le të dëgjojë zërin e tyre, dikush le të shohë vuajtjet e këtyre qenieve të gjalla, që nuk mund të flasin, nuk mund të shprehen e as të kërkojnë ndihmë.”/TRT
