Zëvendëspresidenti i Turqisë, Cevdet Yilmaz, ka bërë me dije se në një deklaratë për mediat, se mes viktimave është edhe një shofer taksi.
Raportet lokale më herët raportuan se një taksi ishte ndalur jashtë ndërtesës së TUSAS në Ankara që kishte transportuar sulmuesit, përpara se ata të bënin shpërthimin dhe të fillonin të qëllonin.
Sipas zyrtarëve turq, pas sulmit të sotëm dyshohet se ishin anëtarë të grupit terrorist militant kurd PKK.
Megjithatë, konfirmimi është në pritje, pasi autoritetet po punojnë të identifikojnë sulmuesit. Ndërkohë, deri më tani, asnjë grup nuk ka marrë përgjegjësinë për sulmin.
Pamjet e publikuara nga vendi i ngjarjes në Industrinë e Hapësirës Ajrore Turke, tregojnë dy burra që qëllojnë me armë brenda ndërtesës.
Ata mbajnë një çantë shpine dhe të armatosur me armë. Ata kanë qëlluar përmes dyerve rrëshqitëse në hyrje të një ndërtese në kompleks.
TUSAS është një firmë shtetërore e armëve dhe teknologjisë së hapësirës ajrore e vendosur në Kahramankazan, rreth 17 milje (28 km) në veri-perëndim të Ankarasë./panorama
