I vendosur në një cep të Tokios qendrore, Muzeu i Medias së Zhdukur i vjen shumë për shtat emrit të tij.
Nga videokasetat Betacam, te disketat dhe pajisjet e vjetra Sony, muzeu është një vitrinë për kamerat e vjetra dhe pajisjet e telekomunikacionit, duke përfshirë një aparat fotografik “Lily” të prodhimit japonez të vitit 1916 si eksponati më i vjetër.
Mes rafteve të rrëmujshme të muzeut me tre dhoma, vizitorët si 59-vjeçari Mika Matsuda mund të kthehen në të kaluarën dhe pajisjet që dikur ishin në përdorim të përditshëm.
“Është magjepsëse jo vetëm për brezat që nuk janë të njohur me këto objekte, por edhe për ata që kanë jetuar ato kohë”, tha Matsuda për Reuters.
“Duke parë këto pjesë më duket sikur po bëj një rikthim të jetës sonë. Më kujtoi se si ishin gjërat në atë kohë — dikur argëtohesha shumë,” tha ajo.
I hapur në janar 2023, muzeu u themelua me besimin se të gjitha pajisjet e medias, përveç letrës dhe gurit, përfundimisht do të “vdesin”, shpjegoi zëvendës kuratorja e muzeut Barbara Asuka.
Artikujt e dhuruar, kryesisht shfaqen në mënyrë që vizitorët t’i prekin ato, duke inkurajuar një përvojë të plotë shqisore, shtoi ajo.
“Ka shumë informacione që mund të fitoni duke e mbajtur atë, si era,” tha Asuka.
“Ne duam që vizitorët t’i përjetojnë këto objekte me të pesë shqisat, në vend që të shikojnë ekranin përmes xhamit,” tha Asuka.
Muzeu pranon rregullisht donacione nga vizitorët e muzeut si Hisashi Ito, i cili solli një orë të vogël dore dhe kasetë nga koleksioni i tij personal.
“Edhe nëse i mbaj këto pajisje në shtëpi, ato me siguri do të hidhen tutje kur të vdes. Është më mirë t’i ndajmë dhe t’i lëmë njerëzit t’i shijojnë”, tha dizenjatori 56-vjeçar i makinave.
Orari i Muzeut të Medias së Zhdukur ka orare të ndryshme, ndërsa çmimin e përgjithshëm të hyrjes e ka në rreth 2,000 jen (12,70 dollarë). Biletat për donatorët dhe studentët janë 1000 jen (1$ = 157.6900 jen). /Reuters
