Një moment plot humor ka ndodhur në konferencën e përditshme të Komisionit Europian në Bruksel, pasi gazetari i Euronews, Sandor Zsiros, pyeti zëdhënësin e Komisionit nëse ishin të informuar për faktin që “ministrja e inteligjencës artificiale e Shqipërisë është zëvendësuar nga AI dhe aktualisht është shtatzënë me 83 asistentë dixhitalë”.
Pas një momenti konfuzioni, zëdhënësi u përgjigj me buzëqeshje:
“Së pari, na lejoni t’i përcjellim urimet tona ministres për këtë lajm të gëzueshëm… dhe mendoj se nuk kemi ndonjë koment tjetër për këtë temë.”
View this post on Instagram
Kjo pyetje ironike erdhi pas deklaratës së kryeministrit shqiptar, i cili tha me shaka se “ministrja jonë e inteligjencës artificiale, Diella, është ‘shtatzënë’ me 83 ndihmës dixhitalë që do të ndihmojnë në administratë”.
Reagimi i Komisionit është bërë viral në rrjete, duke sjellë shumë komente për mënyrën sesi teknologjia dhe politika po ndërthuren gjithnjë e më shumë — edhe me nota humori.
📍 Bruksel / Tiranë — Një shtatzëni që po bën Europën të buzëqeshë.
