Kryetari i Grupit Parlamentar të Partisë Socialiste, Taulant Balla ka reaguar me ironi në rrjetet sociale pas protestës së opozitës të zhvilluar mbrëmjen e sotme para Kryeministrisë.
Në një postim në Facebook, Balla ka thumbuar numrin e pjesëmarrësve duke marrë shkas nga një shprehje humoristike të aktorit Besnik Çinari.
“Bufi Ia doli ta fundosë PD në shoqatë!
Siç tha i madhi Besnik Çinari: ‘Kaq në Shkodër i çojmë krushq në dasëm’ 😂😂😂
Natën e mirë✌️”, shkruan Balla.
Protesta e opozitës u zhvillua pas akuzave të Sali Berishës dhe deputetëve demokratë, të cilët pretendojnë se nuk u jepet fjala në seancat plenare dhe për këtë arsye kanë vendosur të “zhvendosin parlamentin në shesh”, duke ngritur një foltore simbolike para Kryeministrisë.
