Në Strasburg të Francës, një klinikë veterinare ka organizuar një nismë të veçantë: dhurimin e gjakut nga mace dhe qen për të mundësuar transfuzione gjatë operacioneve kirurgjike të pacientëve katërkëmbësh. Pronari i maceve Serge dhe Panique pranoi të lejonte veterinerët të marrin një sasi të vogël gjaku nga kafshët e tij për të shpëtuar jetë të tjera.
KLIKO PER TE PARE VIDEON E KRONIKES
Roxane Lebel, veterinerja e klinikës Agoravet, shpjegon se transfuzione të tilla ishin gjithmonë të ndërlikuara për shkak të nevojës për dhurues të disponueshëm dhe urgjencës së situatave. Me këtë bankë gjaku të kafshëve, klinika mund të kryejë transfuzione më të shpejta dhe më të sigurta, duke përmirësuar cilësinë e kujdesit mjekësor. Vetëm muajin e kaluar janë realizuar mbi dhjetë transfuzione të tilla.
Pronari i Serge, Lucas Lo Pinto, thekson rëndësinë e iniciativës: “Ndoshta, sikur kafshët të mund të flisnin, shumica do të pajtoheshin me ne. Kjo mund të shpëtojë qartë jetë kafshësh.” Ndërsa Flavie Wiotte, pronare e Panique, shton: “Kur pashë se klinika kishte nevojë, mendova se pse jo të ndihmoja me kafshët e mia, nëse ishte e mundur.”
Klinika Agoravet është e vetmja në rajon që kryen transfuzione plazme dhe mund të reagojë edhe në mesnatë, duke siguruar kujdes të shpejtë dhe profesional për pacientët e vegjël.
