Irani ka zgjedhur udhëheqësin e ri suprem të vendit. Sipas mediave shtetërore iraniane, Asambleja e Ekspertëve ka vendosur që Mojtaba Khamenei të zëvendësojë të atin, Ajatollah Ali Khamenei, në postin më të lartë politik dhe fetar të Republikës Islamike.
Vendimi vjen pas një procesi të shpejtë të konsultimeve brenda klerit dhe strukturave të pushtetit në Iran. Udhëheqësi suprem është autoriteti më i lartë në vend dhe ka kontroll mbi institucionet kryesore të shtetit, përfshirë ushtrinë, gjyqësorin dhe politikën e jashtme.
Mojtaba Khamenei, një klerik konservator dhe djali i ish-udhëheqësit Ali Khamenei, është konsideruar prej vitesh si një nga figurat më me ndikim në prapaskenën e pushtetit iranian dhe një kandidat i mundshëm për këtë post.
Zgjedhja e tij pritet të shkaktojë debat brenda dhe jashtë Iranit, pasi kritikët e shohin këtë zhvillim si një formë të trashëgimisë politike familjare në sistemin e Republikës Islamike.
Në të njëjtën kohë, vendimi merret në një moment tensioni të lartë rajonal dhe ndërkombëtar, me konflikt të hapur midis Iranit dhe Izraelit dhe me presion të madh diplomatik nga SHBA dhe aleatët perëndimorë.
