Të rinjtë vijojnë të jenë grupi më problematik në rrugët e vendit, duke shkaktuar numrin më të lartë të aksidenteve. Sipas INSTAT, për muajin shkurt janë regjistruar 97 aksidente rrugore, me 125 persona të vrarë dhe të plagosur, ku grupmosha 25–34 vjeç përbën 27.8% të rasteve.
Eksperti i sigurisë rrugore Gëzim Hoxha thekson se shkaku kryesor lidhet me edukimin e dobët dhe sjelljet e rrezikshme në timon. Sipas tij, përdorimi i alkoolit dhe lëndëve narkotike, shpejtësia e lartë dhe vetëbesimi i tepruar janë faktorët kryesorë që çojnë në aksidente.
Dy shkeljet më të zakonshme mbeten tejkalimi i shpejtësisë dhe parakalimet e gabuara, të cilat shpesh rezultojnë fatale. Eksperti kërkon masa më të forta ndëshkuese, duke propozuar rritjen e gjobave, sidomos për shkelësit e përsëritur.
Sipas specialistëve, situata kërkon ndërhyrje urgjente jo vetëm me ndëshkime më të ashpra, por edhe me edukim dhe ndërgjegjësim më të madh për respektimin e rregullave të qarkullimit rrugor.
T
