Instituti i Gjeoshkencave, Energjisë, Ujit dhe Mjedisit (IGJEUM) ka publikuar informacion të detajuar lidhur me situatën e motit në vend për sot, e shtunë 30 gusht, dhe nesër, e diel 31 gusht.
Sipas IGJEUM, priten reshje intensive në qarqet Lezhë, Durrës dhe Tiranë, ndërsa në qarqet Shkodër, Dibër, Elbasan, Vlorë dhe Gjirokastër reshjet do të jenë mesatare deri lokalisht intensive. Në qarqet Kukës dhe Fier priten reshje mesatare, ndërsa në qarqet e tjera reshjet do të jenë të dobëta deri lokalisht mesatare. Reshjet shoqërohen me shtrëngata në të gjitha qarqet.
Shtrëngatat dhe intensiteti i lartë i reshjeve për momente të shkurtra mund të krijojnë probleme, duke përfshirë vërshime në zonat urbane, sidomos në qarqet Shkodër, Kukës, Dibër, Lezhë, Durrës, Tiranë, Elbasan, Fier dhe Vlorë, në varësi të gjendjes së sistemit të kanalizimeve.
Temperaturat e ajrit:
- Bregdet: 19 / 23 °C
- Vendet e ulëta: 18 / 26 °C
- Vendet malore: 14 / 24 °C
Era:
Sot pasdite dhe nesër era do të fryjë e lehtë deri mesatare, për momente të shkurtra deri e fortë në bregdet dhe zonat malore.
Rreziku nga zjarret në pyje:
- Sot: rrezik “I ULËT” në Kukës, Dibër, Elbasan, Korçë dhe Gjirokastër; në qarqet e tjera “S’KA RREZIK”.
- Nesër: nivel “S’KA RREZIK” në të gjithë qarqet.
Qytetarët paralajmërohen të tregojnë kujdes maksimal gjatë qarkullimit dhe të marrin masat e nevojshme për parandalimin e incidenteve të mundshme.
