Kryetarja e komanduar e Bashkisë së Tiranës, Anuela Ristani, ka uruar kryebashkiakun Erion Veliaj me rastin e 36-vjetorit të lindjes, përmes një postimi në rrjetet sociale.
Ristani ka ndarë një foto nga dita e parë e ditëlindjes së Veliajt në Bashkinë e Tiranës, duke kujtuar një moment simbolik dhe shprehjet karakteristike të kryebashkiakut, të cilat, sipas saj, janë kthyer në filozofi pune për stafin.
Në mesazhin e saj, ajo tregon se për atë festë surprizë, stafi kishte mbledhur shprehjet më tipike të Veliajt dhe i kishte printuar në bluza, ndërsa e preferuara e saj mbetet fraza: “Shtriju tek dera derisa të mbarosh punë”, si simbol i këmbënguljes dhe mosdorëzimit në punë.
“Kjo foto nga ditëlindja jote e parë në Bashkinë e Tiranës, për 36-vjetorin, më bën sot veçanërisht kuptim. Ishte një festë ‘surprizë’, ku lexonim njëri-tjetrin dhe fytyrat na ndriçonin shpresë”, shkruan Ristani, duke shtuar se përmes atij momenti kuptoi edhe keqinterpretimet mediatike për punën në bashki.
Në përmbyllje, ajo shprehet se e ka Veliajn “në mendje si çdo ditë” dhe se urimi nuk arrin të përmbledhë shpresën që ajo ka për të.
