SANTORINI, Greqi (AP) – Shkollat u mbyllën dhe ekipet e emergjencës u vendosën në ishullin vullkanik grek të Santorinit të hënën, pasi një rritje e aktivitetit sizmik ngriti shqetësime për një tërmet potencialisht të fuqishëm.
Masa paraprake u urdhëruan gjithashtu në disa ishuj të afërt të Detit Egje – të gjitha destinacionet e njohura të pushimeve verore – pasi më shumë se 200 tërmete nënujore u regjistruan në zonë gjatë tre ditëve të fundit.
“Këto masa janë paraprake dhe autoritetet do të mbeten vigjilente,” tha ministri i Mbrojtjes Civile Vasilis Kikilias të dielën vonë pas një takimi urgjent të qeverisë në Athinë. “Ne u bëjmë thirrje qytetarëve që t’i përmbahen rreptësisht rekomandimeve të sigurisë për të minimizuar rrezikun.
Ndërsa ekspertët grekë thonë se tërmetet, shumë me magnitudë mbi 4.5 ballë, nuk janë të lidhura me vullkanin e Santorinit, ata pranojnë se modeli i aktivitetit sizmik është shkak për shqetësim.
Frekuenca e tërmeteve, të cilat vazhduan gjatë natës së së dielës dhe të hënën, ka shqetësuar banorët.
(Pamje LIVE nga Ishulli)
“Nuk kam ndjerë kurrë diçka të tillë dhe me një frekuencë të tillë – një tërmet çdo 10 ose 20 minuta. Të gjithë janë në ankth edhe nëse disa prej nesh e fshehin për të mos shkaktuar panik, por të gjithë janë të shqetësuar”, tha Michalis Gerontakis, i cili është edhe drejtor i Orkestrës Filarmonike të Santorinit.
“Ne dolëm dje dhe performuam. Pavarësisht tërmeteve, filarmonia performoi për një rast fetar”, tha Gerontakis. “Kur luani, nuk mund t’i ndjeni tërmetet, por kishte tërmete kur ne ishim në kishë. Askush nuk mund ta dijë se çfarë do të ndodhë. Njerëzit mund të thonë çfarë të duan, por kjo nuk ka asnjë vlerë. Nuk mund të luftosh me natyrën.”
Zyrtarët qeveritarë u takuan me shkencëtarët gjatë fundjavës dhe të hënën për të vlerësuar situatën, ndërsa shkollat u urdhëruan gjithashtu të mbyllen në ishujt e afërt Amorgos, Anafi dhe Ios.
Në Santorini, banorët dhe vizitorët u këshilluan të shmangin grumbullimet e mëdha të brendshme dhe zonat ku mund të ndodhin rrëshqitje gurësh, ndërsa hotelet u udhëzuan të kullonin pishinat për të reduktuar dëmtimet e mundshme të ndërtesave nga një tërmet.
Ekipet e shpëtimit dhe shërbimit zjarrfikës që mbërritën në Santorini të dielën ngritën tenda të verdha brenda një fushe basketbolli pranë spitalit kryesor të ishullit.
“Mbërritëm mbrëmë, një ekip prej 26 anëtarësh shpëtimtarësh dhe një qen shpëtimi”, tha brigadieri i zjarrfikësve Ioannis Billias, duke shtuar se shumë banorë, përfshirë familje të tëra, e kaluan natën në makinat e tyre.
Disa banorë dhe punëtorë vendas iu drejtuan agjentëve të udhëtimit që kërkonin bileta avioni ose traget për t’u larguar nga ishulli.
“Ne kemi pasur tërmete më parë, por kurrë diçka të tillë. Kjo ndihet ndryshe”, tha Nadia Benomar, një udhërrëfyese marokene e cila ka jetuar në ishull për 19 vjet. Ajo bleu një biletë traget të hënën për në ishullin e afërt të Naxos. “Më duhet të largohem për disa ditë derisa gjërat të qetësohen.”
Të tjerë thanë se ishin të gatshëm të merrnin rrezikun. Punonjësi i restorantit, Yiannis Fragiadakis ishte larguar, por tha se u kthye në Santorini të dielën, pavarësisht nga tërmetet.
“Nuk kisha frikë. E di që njerëzit janë vërtet të shqetësuar dhe po largohen, dhe kur arrita në port ishte shumë i zënë, ishte si nw verw, “tha Fragiadakis. “Unë planifikoj të qëndroj dhe shpresoj se restoranti do të fillojë të punojë (për sezonin e festave) pas tre javësh.”
Një mesazh urgjent u dërgua tw hënën i cili informon banorët dhe vizitorët për rrezikun e rrëshqitjeve të dheut për shkak të aktivitetit sizmik të vazhdueshëm.
Si masë paraprake, autoritetet kanë vendosur të ndalojnë hyrjen në tre zona.
Zonat e ndaluara janë:
Ammoudi
Armeni
Porti i Vjetër i Firës
Ndërkohë tërmetet e magnituda mbi 4 të shkallës Rihter nuk ndalen. Autoritetet edhe pse e pranojnë se është shqetësues thonë se ishullin nuk është në rrezik.
