Më 20 janar 2025, gjatë ceremonisë së inaugurimit të Presidentit Donald Trump në Uashington D.C., Elon Musk, CEO i Tesla dhe SpaceX, u përfshi në një polemikë pas një gjesti që u interpretua nga disa si përshëndetje naziste. Gjatë fjalimit të tij, Musk ngriti krahun e djathtë me pëllëmbën poshtë, një gjest që ngjason me përshëndetjen e njohur si “salutimi romak”, i përdorur nga regjimi nazist.
View this post on Instagram
Ky veprim shkaktoi reagime të shumta në rrjetet sociale dhe në media. Sipas raportimeve, komunitetet neo-naziste e përshëndetën këtë gjest, duke e interpretuar si një shenjë mbështetjeje.
Megjithatë, Lidhja Anti-Shpifje (ADL) sugjeroi se gjesti i Musk mund të ketë qenë thjesht një lëvizje e papërshtatshme në një moment entuziazmi, dhe jo një përshëndetje naziste e qëllimshme.
Deri më tani, Elon Musk nuk ka bërë asnjë deklaratë publike lidhur me këtë incident.
Përshëndetja naziste, e njohur edhe si përshëndetja e Hitlerit, ose përshëndetja Sieg Heil, është një gjest që përdorej si përshëndetje në Gjermaninë naziste.
Përshëndetja bëhet duke zgjatur krahun e djathtë nga shpatulla në ajër me dorën e drejtuar në një kënd 45 gradë.
Zakonisht, personi që ofronte përshëndetjen thoshte “Heil Hitler!” (‘Përshëndetje Hitler!’), “Heil, mein Führer!” (‘Tungjatjeta, udhëheqësi im!’), ose “Sieg Heil!” (‘Përshëndetje fitore!’) dhe u miratua zyrtarisht nga Partia Naziste në vitin 1926, megjithëse ishte përdorur brenda partisë që në vitin 1921, për të treguar bindje ndaj liderit të partisë, Adolf Hitlerit, dhe për të lavdëruar kombin gjerman.
Në shumë vende të botës. me apo pa kontekst nazist kjo përshëndetje është e ndaluar, përfshi dhe Kanadanë apo vetë Gjermaninë ku është e paligjshme.
