Një seri vjedhjesh misterioze që zgjati më shumë se një vit në një shkollë në Zelandën e Re rezultoi të kishte një autor të pazakontë – një mace.
Marama Stewart, drejtoresha e Shkollës Apanui në Whakatāne, tregoi se sendet nisën të zhdukeshin pa gjurmë, sidomos gjatë periudhës kur pishina ishte në përdorim. Mes objekteve të humbura ishin këpucë, syze, të brendshme dhe peshqirë të lënë përgjatë shtegut për në shkollë.
Misteri u zgjidh kur kamerat e sigurisë kapën “hajdutin” në flagrancë. Pamjet tregojnë një mace të zezë duke tërhequr një peshqir të madh, duke konfirmuar dyshimet për autorin e pazakontë.
Shkolla kontaktoi pronarin e kafshës, i cili pranoi se macja ishte një “hajdut famëkeq”, duke i dhënë fund enigmes që kishte shqetësuar stafin për muaj të tërë.
