Bardhyl Fusha, 58 vjeç, është personi që grabiti mesditën e sotme një degë të Fibank Albania në Tiranë, në zonën e ish-Parkut të Autobusëve, pranë një kompleksi banimi.
Sipas informacioneve paraprake, autori hyri në bankë i armatosur, arriti të marrë rreth 20 milionë lekë të vjetra nga një prej arkave, por nuk mundi të largohej nga godina.
Punonjësit e sigurisë private ndërhynë menjëherë, e neutralizuan dhe e mbyllën brenda ambienteve të filialit, duke e vënë në pranga.
Mësohet se Fusha është pronar i një kompanie ndërtimi në Tiranë, ndërsa autoritetet po vijojnë hetimet për zbardhjen e plotë të rrethanave të ngjarjes.
