Ministri i Shtetit për Marrëdhëniet me Parlamentin, Toni Gogu deklaroi se Kuvendi i Shqipërisë duhet të shkruajë një ligj që garanton se s’mund të pezullohen funksionet kushtetuese.
‘Ne e lexojmë atë vendim ashtu siç e ka shkruar Gjykata Kushtetuese, pra pa u arritur një shumicë që kërkon interpretimi detyrues që Gjykata Kushtetuese duhet të japë në rastin konkret nuk e kemi një të tillë pra gjyqtarët janë të ndarë në 2 katërshe. Të dyja katërshet njohin problemin, pra kemi një konflikt kompetencash, kemi konflikt kushtetues, por për shkak se nuk arrin dot shumicën që nevojitet, nuk japin zgjidhje atij konflikti. Pra, në rastin konkret, zonja Balluku mbetet në fuqi. Ministri mbetet i pezulluar, pra në këtë kuptim, të dyja katërshet thonë e pezullimi i ministrit nuk ka të bëjë me personin. Ka të bëjë me funksionin dhe si i tillë, pra nuk mundet që ne si maxhorancë e lexojmë që funksionet nuk mundet të pezullohen, për këtë arsye neve na duhet që patjetër ta analizojmë mirë vendimin.
Ministri Gogu deklaroi se në pamundësi të një vendimi të Gjykatës Kushtetuese do duhet të ndërhyjmë në ligj për të bërë ndryshimin që të dyja katërshet e konstatojnë.
“Kuptohet që do ta lexojmë kur të jetë edhe i arsyetuar dhe pastaj të marrim hapat konkretë që i takojnë shumicës dhe Kuvendit të Shqipërisë, i cili në një rast të tillë nuk ka, duke mos pasur interpretim detyrues që Gjykata Kushtetuese u bën normave kushtetuese dhe interpretimit pajtues me dispozita ligjore që mund të duken që janë në konflikt me Kushtetutën, siç është rasti konkret, atëherë do duhet dhe njëra nga katërshet e thoshte fare mirë, që kjo është detyrë e kushtetutëbërësit.Pra është detyra e Kuvendit të Shqipërisë të marrë masa. Kuvendi i Shqipërisë është aty pikërisht për të bërë ligje dhe për të bërë kontroll në rastin konkret dod uhet të bëjmë ligj. Po duhet që ta bëjë këtë pasi ta lexojmë mirë atë vendimin e Gjykatës Kushtetuese të arsyetuar, pa natyrisht që do bëjmë qartësimin që nevojitet për të bërë se si funksionet, pra nuk kanë të bëjnë me emra të përveçëm pezullime të tilla, por ndaj dhe kushtetutëbërësi thotë që imuniteti i ministrit barazvlerësohet, e thonë vetë një katërshe e Gjykatës Kushtetuese, me atë të zgjedhurit, pra deputetit dhe për këtë arsye duhet që të marrim masat përkatëse duke e shkruar mirë në ligj dhe procedurë që nuk mund të pezullohen funksione kushtetuese, siç është ai i Presidentit të Republikës, siç është ai i ministrit, siç është ai i guvernatorit të bankës, siç është ai nuk e di se çfarë pra figura të funksioneve kushtetuese që sigurojnë të funksionojnë pushtetet e caktuara, në rastin konkret është pushteti ekzekutiv.”
Ministri Gogu deklaroi se ky ishte dhe thelbi i mbledhjes së grupit të PS sot në Kryesinë e Kuvendit sepse atje është vendi i duhur ku zgjidhen ngërçet institucionale.
Sipas Gogut, absolutisht që PS do të vazhdojë të sigurojë që reforma në drejtësi, në arkitekturën e saj, të jetë e paprekshme.
