Kryeministri francez, François Bayrou, ka humbur votëbesimin në Asamblenë Kombëtare, duke mos arritur të sigurojë shumicën e nevojshme për të vazhduar qeverisjen. Sipas mediave franceze, Bayrou do t’i paraqesë dorëheqjen presidentit Emmanuel Macron nesër në mëngjes, duke i hapur rrugë një periudhe të re pasigurie politike.
Pas këtij zhvillimi, Macron përballet me disa opsione, të gjitha të vështira:
Emërimi i një kryeministri të ri. Proces që pritet të jetë i ndërlikuar, pasi emri i zgjedhur duhet të pranohet nga forcat kryesore parlamentare. Vitin e kaluar, Macron u desh disa javë për të arritur një marrëveshje të tillë. Deri atëherë, Bayrou pritet të qëndrojë si kryeministër kujdestar.
Thirrja e zgjedhjeve të parakohshme parlamentare. Një skenar që mund të ndryshojë balancat aktuale, por që mbart edhe rrezikun e forcimit të mëtejshëm të të djathtës ekstreme të Marine Le Pen dhe partisë së saj Rassemblement National (RN).
Shpallja e zgjedhjeve presidenciale të parakohshme. Një alternativë që Macron e ka mohuar vazhdimisht, pasi mandati i tij i dytë përfundon në vitin 2027, dhe sipas kushtetutës nuk mund të rikandidojë. Megjithatë, disa grupe parlamentare e kanë kërkuar këtë hap.
Situata aktuale lë Francën përballë një pasigurie të re politike, teksa pritet të shihet se cili opsion do të zgjedhë presidenti Macron.
