Stacioni i Zjarrfikësve të Australisë ka publikuar edicionin e shumëpritur të kalendarit 2026, një traditë e njohur botërisht që kombinohet me bamirësinë dhe ndërgjegjësimin për mbrojtjen e kafshëve.
Këtë vit, kalendari vjen me pesë kategori të ndryshme, ku zjarrfikësit pozojnë së bashku me kafshë të shpëtimit ose të strehëzave:
🐶 Qentë
🐱 Macet
🐴 Kuajt
🐨 Kategoria e përzier
🐾 Kafshë të tjera të fermës
Synimi i këtij projekti është të mbështesë organizatat e kujdesit ndaj kafshëve, të promovoje adoptimin dhe të rrisë ndërgjegjësimin për mbrojtjen e tyre.
Kalendarët e zjarrfikësve australianë njihen globalisht jo vetëm për fotot ikonike, por edhe për kontributin e tyre në kauza humanitare. Qindra mijëra dollarë grumbullohen çdo vit për qendrat veterinare, strehëzat dhe projektet e rehabilitimit të kafshëve të lënduara.
