Fotografi i njohur Arian Mavriqi solli në Librazhd një ekspozitë mbresëlënëse, ku bota e egër, shpendët dhe peizazhet shqiptare u shfaqën përmes objektivit të tij plot ndjesi, art dhe dashuri për natyrën.
Ekspozita u prit me interes të madh nga qytetarët dhe artdashësit, të cilët patën mundësinë të shijojnë nga afër bukurinë dhe diversitetin e pasur të natyrës shqiptare dhe më gjerë, të sjellë mjeshtërisht në çdo kornizë fotografike.
Kjo ekspozitë është një thirrje për të mbrojtur dhe vlerësuar thesarin natyror të vendit tonë, përmes syve dhe shpirtit të një artisti që prej vitesh dokumenton me pasion jetën e egër shqiptare.
Kush është Arjan Mavriqi
Arjan Mavriqi është një fotograf i talentuar shqiptar, i njohur për kapjen e bukurisë natyrore dhe kulturore të Kosovës, Shqipërisë dhe mbarë trojeve shqiptare. Me syrin e tij të mprehtë dhe ndjeshmërinë artistike, ai arrin të kthejë çdo peizazh apo moment të thjeshtë në një histori që flet me dritë, ngjyrë dhe ndjenjë.
Fotografitë e tij janë një arkiv i gjallë i trashëgimisë dhe pasurisë vizuale shqiptare, që sjellin në pah jetën e egër, traditën dhe bukuritë e paprekura të natyrës sonë. Me pasionin dhe përkushtimin e tij, Mavriqi është bërë një nga zërat më të spikatur në promovimin e identitetit shqiptar përmes artit të fotografisë.
