Një zjarr ka rënë në katin e katërt të një pallati në lagjen nr. 7 të qytetit të Durrësit, në zonën e njohur si Çezma e Ferrës.
Sipas asaj që bën të ditur korrespondentja e Klan News, Enkeleda Arapi, flakët kanë përfshirë banesën e një gruaje të moshuar që jeton e vetme. Përhapja e zjarrit ka shkaktuar tym edhe në mjediset e përbashkëta të pallatit.
Si pasojë e zjarrit nuk ka pasur të lënduar mes banorëve të pallatit, por vetëm dëme materiale.
Shërbimi zjarrfikës i cili mbërriti në vendngjarje ka arritur të shuajnë flakët brenda pak minutave duke mos lejuar përhapjen e tyre.
Policia, në bashkëpunim me autoritetet për menaxhimin e emergjencave, po heton shkaqet e zjarrit, ku paraparkisht dyshohet për një shkëndije elektrike./tvklan.al
